Shirkadda Xawaalada Hodan Goloobal Ayaa Maanta Guddiga Abaaraha Gal Mudug Guddoonsiiyay  Deeq Lacaageed Oo Dhan  5kun Oo Doolarka Mareeykanka Ah

 Gaalkacyo Talaado 15/4/2008 (ICM)(codkamudug.com)

  Deeqdaan oo ay ku deeqday shirkadda Xawaaladda ayaa lagu qabtay Xarunta Shirkaddaasi ee Magaalada Gaalkacyo.
Wakiilka Xawaaladda Hodan Galoobal ee gobolka Mudug iyo Guddoomiyaha Abaaraha ee dowlad goboleedka Gal Mudug Cumar Suuri oo munaasabaddaasi ka hadleen ayaa xuseen qaabka deeqdaani loo soo qorsheeyay iyo faa’ida ay u leedahaya dadka abaaruhu Saameeyeen,
Masuuliyiintaan ayaa waxaa kaloo ay ka warameen sida luugu baahan yahay in loo sii xoojiyo taakulaynta nuucaasi ah.isagoo guddomiyaha Guddiga Abaaraha GAL Mudug Cumar Suuri uu Xawaaladda hodon gobolobal ujeediyay ammaan iyo bogaadin aad u heer saraysa isagoo ka codsaday shirkadaha iyo xawaaladaha la midka ah in ay ku daydaan oo ay ka qayb galaan taakulaynta dadku abaaruhu ku habsadeen.
Gudoomiyuhu wuxuu intasi raaciyay inuu sidoo kale amaan gaar ah u soo jeedinayo jaaliyadaha dibadda sida jaaliyadda Canada, Isagoo sheegay In sidoo kale jaaliyadaha ku dhaqan Maraykan iyo Ingiriisku ay hadda bilaabeen dhaq dhaqaayadooda ku aadan ka qayb qaadashada Musiibadan.
ugu danbeyntina gudoomiyuhu wuxuu ilaah ka rajeeyay in uu Musiibadan ka qaado Umadda somaliyeed meel kastoo ay joogto.

cgk114@hotmail.com (T.F)