isku soo bax ballaaran oo allaah roob loogaga baryayay oo ka dhacay degmada wisil ee gobolka hobyo.
 Gaalkacyo Arbaco 16/4/2008 (ICM)(codkamudug.com)
 

Isku soo baxaan oo ahaa mid aad u ballaaran ayna ka soo qayb galeen qaybaha kala duwan ee bulshada degmada Wisil  Gobolka Hobyo ee dowllad goboleedka Gal Mudug ayaa la sheegay in uu socday muddo ka badan 4 saacadood.

  Sida uu inoo soo sheegay wariyaha Idaacadda Codka Mudug ee gobolka Hobyo ee deegaannada hoos yimaada Tahliil Xasan Ismaaciil waxaa isku soo baxaasi ka soo qayb galay qaybaha bulshada oo ay hoggaaminayeen masuuliyiinta maamulka ,Culumo awdiinka.Ardada dugsiyo quraanka ,kuwa Iskuullada ,odayaasha iyo qaybaha kale ee degmadaasi..ayaa waxaa laysugu tagay bannaanka degmada .

   Isku soo baxaaasi  ayaa waxaa laga soo jeediyay wacyo diini ah oo la xariira sida loogu baahan yahay in Cabsida Allaah loo badiyo lana badiyo ka baryididda in uu dhibaatooyinka Abaaraha iyo dhibaatooyinka kalaba.naga qaado.

    Wariye  Tahliil Xasan Ismaaciil waxaa kaloo uu inoo soo sheegay in deegaanno kala duwan ee hoos yimaada degmada Hobyo  ayna  ka mid yihiin Bajeela.Gawaan.Xero dhagaxleey ay ka da,een roobabka xilliga Guga oo billow ah meelaha ay ku da,eenna ku kala badan.